Adina, generoa, gustuak, jatorria, lanbidea, ezaugarri pertsonalak. Asko dira bereizten gaituzten gauzak, ezberdin egiten gaituztenak eta gure bizitzei kolorea ematen dietenak. Aspergarria litzateke denok berdinak izatea! Batzuetan, ezberdintasun horiek beldurrak, gatazkak edo gaizki-ulertuak sortzen dituzte, eta horma ikusezinak sortzen dira, elkarrengana hurbiltzea eta elkar ezagutzea ahalbidetzen ez dutenak.
Hala ere, badugu zerbait komunean, denok igarotzen dugu gure bizitza auzo berean, gure egunerokotasuna garatu eta barre eta negar egiten dugun auzo berean. Auzoa identitatea ematen digun espazio fisiko eta emozional hori da, non elikadurari, afektuari, bizi-zentzuari, hezkuntzari eta osasunari dagokienez ditugun oinarrizko beharrak betetzen ditugun (edo betetzeko borrokatzen dugun). Azken batean, zoriontasuna bilatzen dugun espazioa da. Batzuentzat igarobide bat, beste batzuentzat behin betiko sustraitzeko leku bat, baina, batez ere, gure topagune eta harremanetarako leku komuna da, hemen eta orain.
Ideia horietatik sortu zen «Auzoko istorioak» ekimena, pertsona ezberdinen arteko topaketa gertaezinak sortzea bilatzen zuena, zubiak eraiki eta horma ikusezinak gainditzen errazagoak izan zitezen.
2020an pandemiak kendu zigun zerbait berreskuratu dugu gaur.Osagaiak su motelean egosten hasten dira eta aniztasunetik, batzen gaituenarekin konektatzen hasten gara, lehenik auzoarekin eta, hasierako lotsak gaindituta, gure eguneroko beste gauza txiki askorekin, aliantzak eta une onak sortuz eta ezberdintasunaren ertzak leunduz.
Eta zu, animatzen zara?
